Chittagong
| Chittagong চট্টগ্রাম | |||
 | |||
| Land |  Bangladesh
| ||
|---|---|---|---|
| Areal | 157 km² | ||
| Folketal | 2 581 643 (2011) | ||
 Chittagong 22°20′06″N 91°49′57″E / 22.335°N 91.8325°E | |||
| Wikimedia Commons: Chittagong | |||
| Nettstad: chittagong.gov.bd | |||
Chittagong (bengali চট্টগ্রাম, Chôţţogram) er den nest største byen i Bangladesh, og den største hamnebyen. Han ligg søraust i landet ved munningen av Karnaphuli i Bengalbukta.[1] Han er ein av dei eldste hamnebyane i verda, med ei naturleg hamn som har vore nytta i mange hundreår.[2]
Sjølve byområdet hadde over 3,9 millionar innbyggjarar i 2020.[3] Storbyområdet kring Chittagong hadde over 5,2 millionar innbyggjarar i 2022.[4]
Historie[endre | endre wikiteksten]
Det er funne fossil og steinalderreiskapar som tyder på at Chittagong-området har vore folkesett sidan yngre steinalder.[5] Han har vore hamneby sidan gammal tid, med ei dokumentert historie tilbake til 300-talet f.Kr.[6] Hamna blei nemnd på verdskartet til Ptolemaios på 100-talet som ei av dei mest imponerande hamnene i austen.[2] Området høyrde til dei gamle bengalske rika Samatata og Harikela. Den kinesiske reiseforfattaren Xuanzang skildra staden som «ein sovande venleik som stig fram frå skodde og vatn» på 600-talet.[7]
Arabiske handelsfolk kom til Chittagong frå 800-talet av. I 1154 skreiv Al-Idrisi om ei travel handelsrute mellom Basra og Chittagong, slik at byen hadde samband med abbasidehovudstaden Bagdad.[8]
Kjelder[endre | endre wikiteksten]
- ↑ «Chittagong» i Store norske leksikon, snl.no.
- ↑ 2,0 2,1 Ring, Trudy; Watson, Noelle; Schellinger, Paul (12 November 2012). Asia and Oceania: International Dictionary of Historic Places (på engelsk). Routledge. ISBN 978-1-136-63979-1.
- ↑ «Chattogram, Bangladesh Population (2023) – Population Stat». populationstat.com. Henta 11. mars 2023.
- ↑ «Chittagong · Population». population.city. Henta 30. april 2022.
- ↑ Khan, M. Morshed (1994). Bangladesh Towards 21st Century. Ministry of Information. OCLC 34115814.
- ↑ «Custom House Chittagong». Arkivert frå originalen 9. november 2015.
- ↑ «Past of Ctg holds hope for economy». The Daily Star. Arkivert frå originalen 13. april 2014. Henta 29. august 2013.
- ↑ Osmany, Shireen Hasan (2012). «Chittagong City». I Islam, Sirajul; Jamal, Ahmed A. Banglapedia: National Encyclopedia of Bangladesh (Second utg.). Asiatic Society of Bangladesh.
- Denne artikkelen bygger på «Chittagong» frå Wikipedia på engelsk, den 29. april 2024.
